بھارتی فلم انڈسٹری کی معروف اداکارہ سوناکشی سنہا اور اداکار ظہیر اقبال نے شادی کرلی۔
بھارتی میڈیا رپورٹس کے مطابق اداکارہ سوناکشی سنہا اور ظہیر اقبال کی شادی کی تقریب کا انعقاد ممبئی میں اداکارہ کے گھر پر کیا گیا۔
تقریب کے دوران جوڑے نے سرکاری اہلکار کی موجودگی میں سول میرج کے دستاویزات پر دستخط کیے۔
شادی کی تقریب میں اداکارہ کے والد شتروگن سنہا اور والدہ پونم سنہا نے شرکت کی جبکہ بھائی شریک نہیں ہوئے۔
View this post on Instagram
نوبیاہتا جوڑے نے دادر کے بستیان میں ایک شاندار استقبالیہ کا اہتمام کیا جس میں انیل کپور، کاجول، چنکی پانڈے، ہما قریشی، ثاقب سلیم سمیت بالی ووڈ کی دیگر شخصیات نے شرکت کی۔
تقریب میں ودیا بالن اور سدھارتھ رائے کپور، ادیتی راؤ حیدری اور سدھارتھ، سنجیدہ شیخ، ارباز خان، آدتیہ رائے کپور، روینہ ٹنڈن نے بھی شرکت کی۔
View this post on Instagram
دوسری جانب شادی کی تقریب کی تصاویر اور ویڈیوز سوشل میڈیا پر وائرل ہو چکی ہیں جن پر مداحوں کی جانب سے جوڑے کو مبارکباد دی گئی ہے۔
