شاعر احمد فرہاد سے متعلق آزاد کشمیر پولیس کا مؤقف سامنے آگیا۔
پولیس کے مطابق احمد فرہاد کو آج صبح کوہالہ ناکے پر گرفتار کیا گیا، احمد فرہاد کو دھیرکوٹ تھانے منتقل کردیا گیا۔
ایف آئی آر کے متن کے مطابق احمد فرہاد نے ناکے پر پولیس اہلکاروں سے بدتمیزی کی، کارسرکار میں مداخلت پر احمد فرہاد کو گرفتار کیا گیا، پوچھنے پراحمد فرہاد نے بتایا وہ اسلام آباد سےباغ جارہا ہے۔
واضح رہے کہ شاعر احمد فرہاد کی گمشدگی کا کیس اسلام آباد ہائی کورٹ میں زیرسماعت ہے،آج سماعت کے دوران آٹارنی جنرل نے عدالت کو بتایا کہ شاعر احمد فرہاد آزاد کشمیر پولیس کی حراست میں ہے۔
