بھارت میں تیلگو اور کناڈا فلم انڈسٹری کی اداکارہ پاویتھرا جے رام سڑک حادثے میں چل بسیں۔
بھارتی میڈیا رپورٹس کے مطابق اتوار کو آندھرا پردیش میں محبوبہ نگر کے قریب ایک خوفناک کار حادثہ پیش آیا جس کے نتیجے میں اداکارہ پاویتھرا جے رام کی موقع پر ہی موت ہوگئی۔
اداکارہ کی کار کو حادثہ کرناٹک کے منڈیا ضلع کے ہاناکیرے میں پیش آیا جبکہ حادثے کے دوران پاویتھرا کی کزن ، ڈرائیور اور اداکار چندرکانت شدید زخمی ہوئے۔
دوسری طرف پولیس کی جانب سے حادثے کی تحقیقات کا آغاز کر دیا گیا ہے۔
پولیس کی ابتدائی رپورٹ کے مطابق اداکارہ کی کار نے کنٹرول کھو دیا تھا اور ڈیوائیڈر سے ٹکرا گئی تھی جس کے بعد ایک بس ان کی گاڑی سے ٹکرا گئی۔
