پاکستان اور جاپان کے درمیان آج اذلان شاہ ہاکی کپ کا فائنل میچ ساڑھے پانچ بجے کھیلا جائے گا اور پاکستانی ٹیم 13 سال بعد فائنل میچ کھیلے گی لیکن ا سے قبل کپتان عماد شکیل بٹ نے بڑا اعلان کرتے ہوئے کہا کہ ٹیم فائنل کےلیے تیار ہے ،انشااللہ فتح ہماری ہوگی۔
قومی ہاکی ٹیم کے کپتان عماد شکیل بٹ نے کہا کہ جاپان آسان حریف نہیں لیکن حوصلے بلند ہیں ،جاپانی ٹیم کی ویڈیوز دیکھ کر تیاری کی ہے ، جیت کے بعد امید ہے تمام مسائل حل ہوجائیں گے،توقع ہے نوکریوں اورتنخواہوں کامسئلہ حل ہوگا،وزیراعظم نے ٹیم کے مسائل حل کرنے میں کردار ادا کیا، وزیراعظم سے درخواست ہے پاکستان ہاکی کوسپورٹ کریں، انشااللہ یہی ٹیم آگے جاکر پاکستان کو ورلڈکپ جتوائے گی۔
