وفاقی دارالحکومت میں کئی مقامات پرتیزبارش اورژالہ باری سے موسم خوشگوار ہوگیا۔
محکمہ موسمیات کا کہنا ہے کہ شمالی بلوچستان،خیبرپختونخوا،بالائی پنجاب میں چندمقامات پربارش ہوگی،جبکہ ملک کے بیشترعلاقوں میں موسم گرم اور خشک رہنے کا امکان ہے،وسطی، جنوبی پنجاب اور بالائی سندھ میں موسم شدید گرم رہےگا۔
محکمہ موسمیات کےمطابق بالائی خیبرپختونخوا میں بارش اور ژالہ باری کا امکان ہے
مری،گلیات،اٹک،جہلم،چکوال،بھکر،میانوالی،خوشاب میں بارش ہوگی،کوئٹہ، قلات، مستونگ،زیارت، قلعہ عبداللہ، قلعہ سیف اللہ،پشین میں بارش کا امکان ہے۔
محکمہ موسمیات کا کہنا ہے کہ جیکب آباد،سکھر،کشموراورگردونواح میں بارش ہو سکتی ہے۔
