خیبر پختونخوا میں سیکیورٹی فورسز نے دو آپریشنز کے دوران 6 دہشت گردوں کو ہلاک کردیا۔
پاک فوج کے شعبہ تعلقات عامہ ( آئی ایس پی آر ) کے مطابق سیکیورٹی فورسز نے ڈیرہ اسماعیل خان میں خفیہ اطلاعات پر آپریشن کیا جس کے دوران 5 دہشت گرد مارے گئے۔
آئی ایس پی آر کے مطابق سیکیورٹی فورسز نے دوسرا آپریشن شمالی وزیرستان میں کیا جہاں فائرنگ کے تبادلے میں دہشت گرد انعام مارا گیا۔
آپریشنز کے دوران مارے گئے دہشتگرد سیکیورٹی فورسز اور شہریوں کیخلاف تخریبی کارروائیوں میں ملوث تھے ۔
علاقے میں دہشتگردوں کی ممکنہ موجودگی کے پیش نظر کلیئرنس آپریشن جاری ہے اور آئی ایس پی آر کا کہنا ہے کہ سیکیورٹی فورسزملک سے دہشت گردی ختم کرنے کیلئے پرعزم ہیں ۔
