پاکستان کرکٹ ٹیم بابراعظم کی قیادت میں لاہور سے براستہ دبئی آئرلینڈ پہنچ گئی ہے۔
پاکستان کرکٹ ٹیم کا سترہ رکنی اسکواڈ بابراعظم کی قیادت میں آئرلینڈ پہنچ گیا ،پاکستان ٹیم کل آرام کرے گی،قومی ٹیم کا پہلا ٹریننگ سیشن نو مئی کو شیڈولڈ ہے،دونوں ٹیموں کے درمیان ٹی ٹوئنٹی سیسریزکے تین میچز دس ، بارہ اور چودہ مئی کو ڈبلن میں کھیلے جائیں گے۔
آئرلینڈ کا دورہ مکمل کرکے پاکستان کرکٹ ٹیم انگلینڈ پہنچے گی جہاں پاکستان کو انگلینڈ کے خلاف چارٹی ٹوئنٹی میچوں کی سیریز کھیلی گی۔پاک انگلینڈ ٹی ٹوئنٹی سیریز کے میچز بائیس سے تیس مئی تک ہونگے۔
