بلوچستان کے ضلع دکی میں بارودی سرنگ کے دو دھماکے ہوئے ہیں، جس کے نتیجے میں ایک شخص جاں بحق جبکہ 19 افراد زخمی ہوئے ہیں۔
پولیس کے مطابق بارودی سرنگ کا دھماکا کوئلے سے لوڈ ٹرک گزرنے کے دوران ہوا جبکہ دوسرا دھماکا اس وقت ہوا جب موقع پر لوگ جمع ہوئے۔ زخمیوں میں سی ٹی ڈی اہلکار بھی شامل ہیں۔
امدادی ٹیموں نے زخمیوں کو سول اسپتال منتقل کردیا، سول اسپتال انتظامیہ کے مطابق زخمیوں کو ابتدائی طبی امداد کے بعد ٹراما سینٹر کوئٹہ ریفر کیا جائے گا۔
دوسری جانب تربت ایئرپورٹ روڈ کے کنارے سے بم برآمد ہوا ہے، جس کو بم ڈسپوزل اسکواڈ نے بم ناکارہ بنادیا، پولیس کے مطابق بم ایئرپورٹ پرتخریب کاری کیلئے نصب کیا گیا تھا۔
