اسرائیل غزہ میں جنگی جرائم کرنے سے باز نہیں آیا،نصیرات پر فضائی حملہ کرکے چھ مظلوم فلسطینیوں کو شہید کردیا۔
غزہ پر اسرائیلی جارحیت 185ویں روز بھی جاری ہے، عرب میڈیا نےدعویٰ کیا ہےکہ مصر، قطر اور امریکاکی ثالثی میں مذاکرات میں مثبت پیشرفت ہوئی،معاہدے کے مرکزی نکات پرتمام فریقین کا اتفاق ہوا،حماس اور قطری ثالثی وفد قاہرہ سے روانہ ہوگیا، معاہدے کےحتمی نکات پر دو دن میں دوبارہ بات ہوگی۔
اسرائیلی وزیردفاع کا کہنا ہے رفح میں زمینی آپریشن کی تیاری کے لیے فوجیں غزہ سے روانہ ہوئیں ہیں،مغربی کنارے میں اسرائیلی پرتشدد کارروائیاں جاری ہیں، مسجد اقصی میں گھس کر نمازیوں پرتشدد کرکے دو کو گرفتار کرلیا گیا۔
اسرائیلی فوج کےجنوبی لبنان کے قصبےالسلطانیہ پرفضائی حملے میں تین افراد جاں بحق متعدد زخمی ہوگئی،فلسطینی ناول نگار ولید دقع اسرائیلی جیل میں انتقال کرگئے،ولید دقع کینسر کے عارضےمیں مبتلا تھے۔
