پاکستانی شوبز انڈسٹری کی معروف جوڑی اسد صدیقی اور زارا نور عباس کے ہاں بیٹی کی پیدائش ہوئی ہے۔
فوٹو اینڈ ویڈیو شیئرنگ پلیٹ فارم انسٹاگرام پر اپنے مشترکہ پیغام میں جوڑی نے بیٹی کی پیدائش کی خبر مداحوں کے ساتھ شیئر کی اور بتایا کہ الحمد اللہ ہم دنیا کی خوبصورت ترین بیٹی کے والدین بن گئے ہیں۔
جوڑے کی جانب سے بتایا گیا کہ انہوں نے اپنی بیٹی کا نام نور جہاں صدیقی رکھا ہے جبکہ انہوں نے مداحوں سے درخواست کی کہ وہ دعاؤں میں انہیں یاد رکھیں۔
View this post on Instagram
یاد رہے کہ ماضی میں اسد صدیقی نے ایک انٹرویو میں انکشاف کیا تھا کہ ان کے ہاں بیٹے کی پیدائش قبل از وقت ہوگئی تھی جس کے بعد بچہ زیادہ عرصہ زندہ نہ رہ سکا اور انتقال کرگیا تھا۔
خیال رہے کہ کہ زارا اور اسد صدیقی کی شادی 2017 میں ہوئی تھی۔
