وزیراعظم شہبازشریف نے پاکستانی ایتھلیٹ ارشد ندیم کو 25 لاکھ روپے انعام دینے کا اعلان کر دیا ہے ۔
تفصیلات کے مطابق شہبازشریف نے ارشد ندیم سے ملاقات کی جس دوران کھلاڑی کو ورلڈایتھلیٹکس چیمپئن شپ 2023 میں چاندی کا تمغہ جیتنے پرسراہا اور کہا کہ جیولین تھرو کے فروغ کیلئے آپ کی خدمات قابل قدر ہیں، کم وسائل کے باوجود آپ نے قابل فخر کارنامہ سرانجام دیا، حکومت ایتھلیٹکس سمیت تمام کھیلوں کے فروغ کیلئے اقدامات کر رہی ہے ۔وزیراعظم شہبازشریف نے اولمپین ارشد ندیم کے آبائی علاقے میں سپورٹس کمپلیکس کا کام تیز کرنے کی ہدایت بھی کر دی ۔
