سابق وزیر خزانہ اسحاق ڈار کیخلاف آمدن سے زائد اثاثہ جات کا نیب ریفرنس دوبارہ کھل گیا ۔ اسلام آباد کی احتساب عدالت نے اسحاق ڈار کو دس اکتوبر کو طلب کر لیا۔
احتساب عدالت کے جج محمد بشیر نے مسلم لیگ ن کے سینیٹر اسحاق ڈار کی طلبی کا سمن جاری کیا۔ عدالت نے نیب ترمیمی ایکٹ کے تحت یہ کیس واپس بھیج دیا تھا۔ نیب آرڈیننس کے بعد احتساب عدالت نے اسحاق ڈار کے خلاف کیس بند کر دیا تھا۔ اسحاق ڈار کے خلاف کیس کا ریکارڈ احتساب عدالت میں ہی موجود تھا۔
واضح رہے کہ سپریم کورٹ سے نیب ترامیم کالعدم قرار دیئے جانے کے بعد قومی احتساب بیورو نے کیس دوبارہ نیب کورٹ کو بھیجا تھا ، جس پر کارروائی شروع کر دی گئی ہے۔
