سوئی سدرن گیس کمپنی (ایس ایس جی سی) نے رمضان میں گیس نا آنے کا ملبہ صارفین پر ڈال دیا۔
ترجمان سوئی گیس کے مطابق سحر وافطار کے دیئے گئے شیڈول پر 90 فیصد عمل ہورہا ہے مگر سحروافطار کے وقت ایک ساتھ لاکھوں چولہے آن ہوجاتے ہیں۔ لاکھوں چولہے ایک ساتھ جلنے سے گیس پریشر کم ہوجاتا ہے لوگ گیس کمپریسر لگاکر دوسروں کی گیس بھی کھینچ لیتے ہیں۔
ترجمان سلمان وصفی کا کہنا ہے کہ گیس کمپریسر لگاناجرم ہے،ایسے لوگوں کی نشاندہی کریں کنکشن کاٹ دیں گے، سحر و افطار کے دیئے گئے شیڈول پر 90 فیصد عمل ہورہا ہے۔
ترجمان کے مطابق گیس پائپ لائنز کے آخری سروں پر واقع علاقوں میں گیس پریشر کا مسئلہ ہے، گیس کی طلب و رسد میں واضح فرق کے باعث گیس کی لوڈمنیجمنٹ کی جارہی ہے۔
