بھارتی شوبز انڈسٹری کے معروف اداکار رتوراج سنگھ دل کا دورہ پڑنے سے انتقال کر گئے۔
بھارتی میڈیا رپورٹس کے مطابق منگل کے روز بالی ووڈ فلم ’ بدری ناتھ کی دلہنیا ‘ میں ورون دھون کے ساتھی اداکار رتوراج سنگھ 59 سال کی عمر میں دل کا دورہ پڑنے سے انتقال کر گئے۔
رپورٹس کے مطابق 59 سالہ اداکار لبلبے کی بیماری سے لڑ رہے تھے اور وہ حال ہی میں نجی ہسپتال سے علاج کے بعد ڈسچارج ہوئے تھے۔
لازمی پڑھیں۔ زائرہ وسیم کا ساتھی اداکارہ آنجہانی سہانی بھٹناگر کی موت پر غم کا اظہار
رتوراج کے قریبی دوست امیت بھیل نے اداکار کے انتقال کی تصدیق کرتے ہوئے بتایا کہ ان کا انتقال حرکت قلب بند ہونے سے ہوا، انہیں کچھ عرصہ قبل لبلبے کے علاج کے لیے ایک ہسپتال میں داخل کرایا گیا تھا، گھر لوٹے تو دل کی کچھ پیچیدگیاں تھیں ، انہیں گھر پر ہی ہارٹ اٹیک ہوا اور ہسپتال پہنچنے سے قبل دم توڑ گئے۔
لازمی پڑھیں۔ اداکارہ رشمیکا مندانا طیارہ حادثے سے بال بال بچ گئیں
رتوراج سنگھ کا شاندار کیریئر مختلف ٹیلی ویژن شوز پر محیط تھا، جن میں بنے گی اپنی بات، جیوتی، ہٹلر دیدی،اور عدالت شامل ہیں۔
لازمی پڑھیں۔ بھارتی ڈرامہ انڈسٹری کی معروف اداکارہ کوہیتا چوہدری انتقال کر گئیں
انہوں نے ہٹ شو انوپما میں اپنے کردار کے لئے بڑے پیمانے پر پذیرائی حاصل کی جبکہ وہ بدری ناتھ کی دلہنیا میں ورون دھون اور عالیہ بھٹ کے ساتھ بھی نظر آئے تھے۔
دوسری جانب بھارتی شوبز انڈسٹری سے وابستہ شخصیات اور رتوراج کے مداحوں کی جانب سے ان کے انتقال پر افسوس کا اظہار کیا گیا ہے۔
