امن دشمنوں کے خلاف لڑائی کے دوران پاک فوج کا ایک اور جوان وطن پر قربان ہو گیا۔
پاک فوج کے شعبہ تعلقات عامہ ( آئی ایس پی آر) کے مطابق سکیورٹی فورسز نے خیبرپختونخوا کے ضلع شمالی وزیرستان کے علاقے میر علی کے علاقے میں انٹیلی جنس پر مبنی آپریشن کیا۔آپریشن کے دوران فوجیوں اور دہشت گردوں کے درمیان شدید فائرنگ کا تبادلہ ہوا۔
یہ بھی پڑھیں :۔ چترال، دہشتگردوں کاحملہ پسپا،4 جوان شہید، 12 دہشتگرد جہنم واصل
بیان کے مطابق سکیورٹی فورسز نے مؤثر طریقے سے دہشت گردوں کے ٹھکانے کا پتہ لگایا۔ اس دوران فائرنگ کے تبادلے کے دوران 21 سالہ سپاہی شہید ہو گیا، شہید ہونے والے کا نام شکیل شفقت ہے اور اس کا تعلق ضلع خانیوال سے ہے۔
آئی ایس پی آر کے مطابق علاقے میں پائے جانے والے کسی بھی دہشت گرد کو ختم کرنے کے لیے علاقے میں آپریشن جاری ہے، سکیورٹی فورسز دہشت گردی کی لعنت کو ختم کرنے کے لیے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
