چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے ترک افواج کے نائب سربراہ جنرل عرفان نے ملاقات کی۔
پاک فوج کے شعبہ تعلقات عامہ( آئی ایس پی آر) سے جاری بیان کے مطابق جوائنٹ ہیڈکوارٹرز میں ہونے والی ملاقات کے دوران سی جے سی ایس سی جنرل ساحر شمشاد اور ترک افواج کے نائب سربراہ جنرل عرفان نے دوطرفہ عسکری امور پر تبادلہ خیال کیا گیا۔
آئی ایس پی آر کے مطابق جنرل ساحر شمشاد اور ترک افواج کے نائب سربراہ جنرل عرفان نے پاکستان اور ترکیہ کے درمیان اسٹریٹجک تعلقات مزید مضبوط بنانے پر اتفاق کیا۔
