بلوچستان کے ضلع کوہلو میں دھماکے کے نتیجے میں 3 افراد زخمی ہوگئے۔
لیویز حکام کے مطابق بلوچستان میں ماوند کے علاقے مخماڑ میں گاڑی بارودی سرنگ سے ٹکرا گئی جس کے نتیجے 3 افراد زخمی ہوگئے۔
حکام نے بتایا کہ دھماکے کے نتیجے میں زخمی ہونے والے افراد میں صوبائی حلقہ پی بی 09 کے آزاد امیدوار میر لیاقت مری کے بھائی میر مصطفیٰ مری بھی شامل ہیں۔
حکام نے مزید بتایا کہ زخمیوں کو طبی امداد کے لئے ہسپتال منتقل کر دیا گیا ہے جبکہ سکیورٹی فورسز نے سرچ آپریشن کا آغاز کر دیا ہے۔
