اسلام آباد کے این اے 48 میں پولنگ کےموقع پر گہما گہمی عروج پر ہے،جہاں ووٹرز کی تواضع کے لئے بریانی کا انتظام کیا جارہا ہے۔
،سیاسی رہنماوں کی جانب سے ووٹرز کی تواضع کیلئے بریانی کے ڈبے تیار کیے جارہے ہیں، پولنگ کے آغاز سے پہلے کارکنوں کیلئے ناشتے کا بھی اہتمام کیا گیا تھا۔
انتخابات قریب آتے ہی سیاست دان اپنےکارکنوں کی توجہ سمیٹنےکیلئے ووٹرزکی مہمان نوازی اور خاطرداری میں مصروف ہوجاتے ہیں،کھانے کھلانے کو اکثر سیاست دان اپنی روایات کا حصہ سمجھنے لگ گئے ہیں۔
ملک بھرمیں عام انتخابات کے لیے پولنگ کاعمل جاری ہے، ملک بھرمیں قومی اور چاروں صوبائی اسمبلیوں کے 855 حلقوں پراپنے امیدواروں کے انتخاب کیلئے 12 کروڑ 85 لاکھ 85 ہزار 760 ووٹرز آج اپنا حق رائے دہی استعمال کر رہے ہیں۔
