دنیا بھر میں مشہور امریکی پاپ گلوکارہ ٹیلر سوئفٹ نےرواں سال کے گریمی ایوارڈ جیت کرایک منفرد ریکارڈ قائم کردیا ہے۔
غیر ملکی میڈیا رپورٹس کے مطابق لاس اینجلس میں منعقدہ گریمی ایوارڈز 2024 میں ٹیلر سوئفٹ نے اپنے نئے البم ’مڈنائٹ‘ کیلئے ’البم آف دی ایئر‘ کا ایوارڈ جیتا ہے۔ اورگریمی ایوارڈز کی تاریخ میں ایسا پہلی بارہوا ہے کہ کسی بھی گلوکارہ نے اس کیٹیگری میں چار مرتبہ یہ ایوارڈ جیتا ہو۔
گریمی ایوارڈزکی تقریب میں 34 سالہ گلوکارہ کا کہنا تھا ایوارڈ جیتنے سے انہیں بہت خوشی ہوئی اور یہ ان لوگوں کیلئے بھی مسرت کا موقع ہے جنہوں نے انہیں ووٹ دے کر کامیاب کیا۔
واضح رہے کہ امریکی گلوکارہ ٹیلر سوئفٹ کی جانب سے البم ’مڈنائٹ‘ اکتوبر 2022 میں ریلیز کیا گیاتھا۔
