الیکشن کمیشن آف پاکستان کی جانب سے ملک بھر میں8 فروری کو شیڈول عام انتخابات کیلئے بیلٹ پیپرز کی پرنٹنگ کے ساتھ ترسیل کا عمل بھی شروع ہوگیا۔
ملک بھر میں عام انتخابات کے تیاریاں حتمی مراحل میں داخل ہو گئیں۔ ذرائع کے مطابق بیلٹ پیپرز کی پرنٹنگ کے ساتھ ترسیل کا عمل بھی شروع ہو چکا ہے۔
ذرائع نے بتایا کہ اسلام آباد پرنٹنگ پریس سے دو حلقوں کے بیلٹ پیپرز ڈی آر اوز کو بھیج دیئے گئے۔ لودھراں اور وہاڑی کے قومی و صوبائی اسمبلیوں کے حلقوں کے بیلٹ پیپرز بھیجے گئے ہیں۔
