امریکا نے کہا ہے کہ پاکستان فوجی آپریشنز پر اپنا موقف بہتر انداز میں پیش کرسکتا ہے، امریکا خطے میں کشیدگی کے معاملے پر پاکستانی ہم منصبوں سے رابطے ہیں۔
امریکی محکمہ خارجہ نائب ترجمان ویدانت پٹیل نے میڈیا بریفنگ میں کہا کہ خطے میں کشیدگی کے معاملے پر پاکستانی ہم منصبوں سے رابطے ہیں،پاکستان فوجی آپریشنز پر اپنا موقف بہتر انداز میں پیش کرسکتا ہے،خطے کی صورتحال مانیٹر کررہے ہیں،ایران کے خطے میں جارحانہ اقدام بڑھ رہے ہیں۔
ویدانت پٹیل نے کہا کہ امریکا کی دلچسپی پاکستان کے انتخابی عمل میں ہے، پاکستان کے مستقبل کی قیادت کا فیصلہ پاکستانی عوام نے کرنا ہے،صحافی منصفانہ اور شفاف انتخابات میں اہم کردار ادا کرتے ہیں،آزادی اظہار اور پریس پر پابندیوں سے متعلق خبروں پر تشویش ہے۔
