این اے 117 سے آئی پی پی کے امیدوار صدر عبدالعلیم خان نے انتخابات میں کامیابی کے بعد اپنے حلقے کو ڈیفنس سے بھی زیادہ خوبصورت بنانے کا اعلان کر دیا ۔
استحکام پاکستان پارٹی صد عبدالعلیم خان نے اپنے انتخابی حلقے این اے 117 میں کارنرمیٹنگ سے خطاب کرتے ہوئے کہا کہ سب سے پہلے میاں نواز شریف کا شکریہ ادا کرتا ہوں کہ انہوں نے ایک خوبصورت ٹیم مجھے دی ، میں آپ کے جذبے کو خراج تحسین پیش کرتا ہوں، غزالی سلیم بٹ ایک شریف اور محنتی انسان ہیں، غزالی سلیم بٹ سے میرا بہت پرانا تعلق ہے،میرے بڑے بھائی ہیں، اللہ تعالی نے کامیابی دی تو دونوں بھائی آپ کی خدمت کریں گے،، جب تک سب ایک صفحےپرنہیں ہوتےعوام کی خدمت نہیں کی جاسکتی۔
عبدالعلیم خان نے کہا کہ میں پچھلے 22 سال سے لاہور میں سیاست کررہا ہوں، میرےکسی بھی مخالف نےکبھی مجھ پرکرپشن کاالزام نہیں لگایا، اپنی سیاست میں جس کیساتھ کھڑاہواتوپوراکھڑاہواہوں، ایک جماعت کے ساتھ دس سال دن رات محنت کی، وہ شخص وزیراعظم بناتوپہلاکام یہ کیاکہ مجھے جیل میں ڈالا۔
انہوں نے کہا کہ اس علاقے میں سڑکیں اور پینے کے صاف پانی کا بھی مسئلہ ہے، یہ علاقہ لاہور ہی نہیں لگتا کچھ اور لگتا ہے، اس علاقے کو بھی ڈیفنس اور گلبرگ کی طرح بنائیں گے،یہاں لڑکوں اور لڑکیوں کے کالج بھی بنائیں گے۔
