سی ایم ایچ پشاور میں فوجی اور سول مریضوں کی سہولت کےلئے جدید ڈیجٹلائیز اسمارٹ سسٹم کا آغاز ہوگیا۔ اسمارٹ او پی ڈی جدید دور کے تقاضوں کو مدنظر رکھتے ہوئے متعارف کرا دی گئی۔
دہشت گردی کی جنگ ہو یا قدرتی آفات ، سی ایم ایچ پشاور نے ہمیشہ صف اول میں رہ کر خدمت کا بیڑہ اٹھایا اور عوام کی امیدوں پر پورا اترا۔ اسمارٹ او پی ڈی کی بدولت مریضوں کی ڈاکٹر تک رسائی کم سے کم وقت میں انتہائی سہولت کے ساتھ ممکن ہُو جائے گی۔
اعلامیے کے مطابق ان اسمارٹ سروسز سے تمام نظام کو سینٹرلائز کیاگیا ہے جس سے آنے والے مریضوں کو متعلقہ ڈاکٹرز کے پاس جانے اور ان کے بارے میں معلومات مہیا کی جائیں گی۔ سمارٹ او پی ڈی کا افتتاح کور کمانڈر پشاور لفٹینٹ جنرل حسن اظہر حیات نے کیا۔
🌐 Embracing the future of #healthcare! CMH #Peshawar steps into the modern era with the Smart OPD - a cutting-edge digital system.
— SAMAA TV (@SAMAATV) January 24, 2024
Now, with Smart OPD, patients can connect with doctors seamlessly, revolutionizing healthcare accessibility. #SamaaTV pic.twitter.com/DxLknyT3Zh
واضح رہے کہ سول مریضوں کی بڑی تعداد روزانہ سی ایم ایچ پشاور کا رخ کرتی ہے جو یہاں موجود سہولیات اور ڈاکٹرز پر اعتماد کا مظہر ہے۔ سی ایم ایچ پشاور کو یہ اعزاز بھی حاصل ہے کہ ہر سال 50 ڈاکٹرز اور 150 پیرامیڈیکل سٹاف کو جدید نظام صحت کے بین الاقومی معیار کے مطابق تربیت فراہم کی جاتی ہے۔
