چین اور کرغزستان کے سرحدی علاقوں میں زلزلے کے شدید جھٹکے محسوس کیے گئے، زلزلے کی شدت سات اعشاریہ صفر ریکارڈ کی گئی۔
امریکی جیولوجیکل سروے کےمطابق زلزلےکا مرکزچین کے سرحدی علاقے سنکیانگ میں تھا۔ازبکستان کے دارالحکومت تاشقند میں زلزلے کی شدت چار ریکارڈ کی گئی۔
زلزلے کے بعد سخت سردی میں لوگ گھروں سے باہر نکل آئے،تاحال کسی جانی نقصان کی اطلاع نہیں موصول نہیں ہوئی۔
چینی ارتھ کوئیک نیٹ ورک سینٹر کا کہنا ہے کہ زلزلے کے بعد 40 آفٹر شاکس بھی ریکارڈ کیے گئے ہیں۔
رپورٹس کے مطابق زلزلے کے شدید جھٹکوں کی وجہ سے ریلوے کا نظام بھی متاثر ہوا ہے، محکمہ ریلوے نے 27 ٹرینیں روک دی ہیں۔
