اوکاڑہ گیریژن میں پاک فوج اور رائل سعودی لینڈ فورسز کی مشترکہ فوجی مشقوں کا آغاز ہوگیا۔
پاک فوج کے شعبہ تعلقات عامہ ( آئی ایس پی آر ) کے مطابق ملتان کور کے زیر اہتمام اوکاڑہ گیریژن میں پاک فوج اور رائل سعودی لینڈ فورسز کی مشترکہ فوجی مشقوں کا آغاز ہوگیا ہے۔
آئی ایس پی آر کے مطابق مشقوں کے آغاز پر دونوں ممالک کے فوجی دستوں نے ڈرل پیش کی اور دونوں ممالک کے قومی پرچم کی رونمائی کے ساتھ ساتھ قومی ترانوں کی دھُن بھی بجائی گئی۔
مشترکہ مشقوں کی افتتاحی تقریب کے مہمان خصوصی گریژن کمانڈر تھے جنہوں نے مشق میں شریک افسروں اور جوانوں کو ٹریننگ کے بیجز لگائے۔
آئی ایس پی آر کے مطابق مشق سے دونوں ممالک کی افواج کو کلاس جنگی صلاحیتیں نکھارنے کا موقع ملے گا۔
