ایف سی بلوچستان نارتھ کی جانب سےصوبےکےمختلف علاقوں میں عوامی فلاح وبہبود کاسلسلہ جاری ہے۔ مختلف مقابلوں سے نوجوانوں کو کھیل کے میدان میں بھی آگے بڑھنے میں مدد مل رہی ہے۔
بلوچستان کےعلاقےمشکاف میں ایف سی نارتھ کی جانب سے فٹبال ٹورنامنٹ کا انعقاد کیا گیا۔ ایونٹ میں مجموعی طورپر 8 ٹیموں نے حصہ لیا۔ فائنل میچ سپراسٹارمشکاف اوراسٹارمشکاف کےدرمیان کھیلا گیا۔ سنسنی خیز مقابلے کے بعد سپراسٹار مشکاف نے ٹائٹل اپنےنام کرلیا۔ فائنل دیکھنے کےلیے عمائدین اور نوجوانوں کی بڑی تعداد موجود تھی۔
دوسری جانب بلوچستان کی عوام کو صحت کی بنیادی سہولیات فراہم کرنے کے لیے ایف سی بلوچستان فری میڈیکل کیمپس کا انعقاد کرنے میں ہمہ وقت مصروف ہے۔
بولان کے علاقے بی بی نانی میں ایف سی کی جانب سے فری میڈیکل کیمپ کا انعقاد بھی کیا گیا۔ 13 سوکے قریب مریضوں کامفت طبی معائنہ کیا گیا اور ادویات بھی دی گئیں۔۔ ایف سی بلوچستان کی جانب سے ضرورت مند خاندانوں میں راشن بھی تقسیم کیا گیا۔
