پاکستان سپرلیگ کی فرنچائز ملتان سلطانز نے اپنے سپن باﺅلنگ کوچ ثقلین مشتاق کو نوکری سے فارغ کر دیا ہے ۔
تفصیلات کے مطابق ثقلین مشتاق گزشتہ سال اکتوبر میں ہی ٹیم کے سپن باﺅلنگ کوچ مقرر ہوئے تھے۔ اب ان کی جگہ انگلینڈ کرکٹ بورڈ کے پرفارمنس ڈائریکٹر ڈیوڈ پارسنز ملتان سلطانز کے سپن کوچ کا عہدہ سنبھالیں گے۔ شیڈولنگ تنازعات کی وجہ سے ثقلین مشتاق عہدے سے دستبردار ہوئے۔
مزید پڑھیں: نیوزی لینڈ کے خلاف مسلسل چوتھی شکست، محمد رضوان نے خاموشی توڑ دی
ان کی جگہ آنے والے ڈیوڈ پارسنز 2005ءسے 2007ءتک انگلش ٹیم کے سپن باﺅلنگ کوچ رہ چکے ہیں اور اس وقت وہ ٹیم کے پرفارمنس ڈائریکٹر کے عہدے پر ہیں۔ وہ اس سے پہلے بھی پاکستان میں کام کر چکے ہیں۔ وہ ملتان سلطانز اکیڈمی میں ایک ہفتے رہے اور نوجوان سپنرز کے ایک گروپ کی نگرانی کی۔ملتان سلطانز کی طرف سے اپنے آفیشل ایکس اکاﺅنٹ پر ایک پوسٹ کے ذریعے ڈیوڈ پارسنز کو ٹیم کا سپن باﺅلنگ کوچ بننے پر خوش آمدید کہا گیا ہے۔
