گوجرانوالہ اور پاکپتن میں مسافر گاڑیاں دھند کے باعث حادثات کا شکار ہوگئی، دونوں حادثات میں 4 افراد جاں بحق جبکہ 30 مسافر زخمی ہوگئے۔
تفصیلات کے مطابق گوجرانوالہ میں جی ٹی روڈ پر راہوالی کے قریب بس الٹ گئی جس کی وجہ سے دوافراد جاں بحق جبکہ 25 زخمی ہوگئے، لاشوں اور زخمیوں کو اسپتال منتقل کر دیا گیا ہے۔
ریسکیو حکام کے مطابق حادثہ جی ٹی روڈ پر پھسلن اور دھند کے باعث پیش آیا، بس کوہاٹ سے لاہور جاتے ہوئے حادثہ کا شکار ہوئی۔ مسافر میں 50 مسافر سوار تھے،متعدد کی حالت تشویشناک ہے۔
دوسری جانب پاکپتن میں ملکہ ہانس کے قریب دوگاڑیوں میں تصادم کے سبب دوافرادجاں بحق جبکہ پانچ زخمی ہوگئے، حکام کے مطابق روڈ زیرتعمیر ہونے اور دھند کے سبب حادثہ پیش آیا۔
