ملک بھر میں خشک سردی کا سلسلہ جاری ہے، پنجاب ، بالائی سندھ اور خیبرپختونخوا کے میدانی علاقوں میں دھند کا راج برقرار ہے جبکہ آئندہ دو روز بھی گہری دھند چھائے رہنے کی پیشگوئی ہے ۔
محکمہ موسمیات کے مطابق گزشتہ چوبیس گھنٹےکےدوران ملک بھرمیں موسم شدید سرد اور خشک رہا جبکہ شمالی علاقوں میں شدید سردی اور مطلع ابر آلود رہا ۔ پنجاب ، بالائی سندھ اورخیبر پختونخوا کے میدانی علاقے شدید دھند اور سموگ کی لپیٹ میں رہے ۔ آئندہ دو روز کےدوران بھی پنجاب ، کے پی اور بالائی سندھ کےمیدانی علاقوں میں گہری دھند چھائی رہے گی ۔ شہریوں کو محتاط رہنے کی تنبیہ کی گئی ہے ۔
