نیوزی لینڈ کرکٹ بورڈ کی جانب سے پاکستان کے خلاف ٹی 20 سیریز کے لئے کیویز سکواڈ کا اعلان کر دیا گیا۔
پاکستان اور نیوزی لینڈ کی ٹیموں کے درمیان ٹی ٹوئنٹی سیریز کا آغاز 12 جنوری سے ہوگا جس کے لئے میزبان ٹیم کے سکواڈ کا اعلان کردیا گیا ہے۔
پاکستان کے خلاف سیریز میں کین ولیمسن کیویز ٹیم کی قیادت کریں گے تاہم وہ تیسرے میچ کا حصہ نہیں ہوں گے اور ان کی جگہ مچل سینٹنر کپتانی کے فرائض سرانجام دیں گے۔
کیویز سکواڈ میں فن ایلن ، مارک چیپمین، جوش کلارک سن ، ڈیون کانوے ، لوکی فرگوسن ، میٹ ہینری ، ایڈم ملنے شامل ہیں جبکہ ڈیرل مچل، گیلن فلپس بین سیرس ، ٹم سائفرٹ ، اش سودھی اور ٹم ساؤتھی کو بھی سکواڈ کا حصہ بنایا گیا ہے۔
خیال رہے کہ دونوں ٹیموں کے درمیان پانچ میچز پر مشتمل ٹی ٹوئنٹی سیریز کا آغاز 12 جنوری سے ہوگا۔
