پاک فوج نے باجو ڑ میں پاک افغان سرحد پر دہشتگردوں کی دراندازی کی کوشش ناکام بنا دی ، فائرنگ کے تبادلے میں تین دہشتگرد ہلاک جبکہ ایک فوجی جوان شہید ہو گیا ۔
آئی ایس پی آر کے مطابق سیکیورٹی فورسزنےبٹوارمیں 3دہشتگردوں کوفائرنگ کےتبادلےمیں ہلاک کردیا ہے ، ہلاک دہشت گردوں سےاسلحہ، گولہ بارود اوردھماکاخیز مواد برآمد کر لیا گیا ۔ پاک فوج کے ادارہ تعلقات عامہ کے مطابق دہشتگردوں نے افغانستان سے شمالی وزیرستان میں سرحدی چوکی پر فائرنگ کی ، سپین وام میں سیکیورٹی فورسز کی جوابی کارروائی میں دہشتگردوں کو بھاری نقصان اٹھانا پڑا ، فائرنگ کے دوران رحیم یار خان سے تعلق رکھنے والے پاک فوج کے 31 سالہ نائیک عبدالروف شہید ہو گئے ہیں ۔
آئی ایس پی آر کا کہناتھا کہ پاکستان افغان حکومت سےسرحد کےاطراف موثربارڈرمنیجمنٹ یقینی بنانےپرزوردیتارہاہے،توقع ہےعبوری افغان حکومت اپنی ذمہ داریاں پوری کرے گی۔
