محکمہ سیاحت پنجاب اور ٹی ڈی سی پی (ٹورازم ڈویلپمنٹ کارپوریشن پنجاب) نے برفباری سیزن کے حوالے سے انتباہ جاری کردیا۔
تفصیلات کے مطابق محکمہ سیاحت اور ٹی ڈی سی پی کا مری میں برفباری سیزن کے حوالے سے سیاحوں کی سہولت کےلیے 3 مقامات پر سہولت سینٹرز قائم کر دیئے گئے۔ سہولت سینٹرز پر موجود اہلکار سیاحوں کی مدد اور رہنمائی کریں گے۔
اعلامیے کے مطابق ہنگامی حالات میں ان سینٹرز پر پٹرول سمیت دیگر ضروری اشیاء کا انتظام موجود ہے۔ سیاحوں کو ضروری ہدایات کے لیے 7 مختلف مقامات پرڈیجیٹل اسکرینز بھی نصب کر دی گئیں۔
سہولت سینیٹرز مال روڈ، کشمیر پوائنٹ اور بانسرہ گلی میں بنائے گئے ہیں ۔ پنجاب ٹورازم اسکواڈ مری میں مختلف مقامات پر اپنے فرائض نبھائے گا۔ 50 اہلکار ڈیوٹی پر موجود ہیں۔
