کراچی کے کینٹ سٹیشن پر لاکھوں روپےبیگ میں ڈالے خاتون نیم بے ہوشی کی حالت میں پولیس کو مل گئی، اہلکاروں نے بیٹوں سے ملوا دیا ۔
تفصیلات کے مطابق پولیس کا کہنا ہے کہ ضعیف خاتون نیم بے ہوشی کی حالت میں تھی اور اس کے پاس تقریبا 15 لاکھ روپے اور زیورات بھی تھے، خاتون کی شناخت نذیراں بی بی کے نام سے ہوئی ہے۔
پولیس نے خاتون کو اپنی حفاظت میں لیتے ہوئے اہل خانہ کی تلاش کی، ضعیف خاتون کے پاس ایک پرچی پر بیٹے کا نمبر لکھا ہوا تھا ، بیٹے سے رابطہ کرتے ہوئے نذیراں بی بی کو اہل خانہ سے ملوا دیا گیا جس کے بعد اہل خانہ نے اسے فوری ہسپتال منتقل کیا ۔
ریلوے پولیس کا کہناتھا کہ خاتون سے ملنے والی نقدی اور زیورات عدالت کے ذریعے اہل خانہ کے حوالے کیئے جائیں گے ،نذیراں بی بی کا کہناتھا کہ ان کی والدہ پنجاب سے پیسے لے کر آئیں تھیں ۔
