کراچی کنگز نے پاکستان سپر لیگ 9( پی ایس ایل) کے لئے اپنے ہیڈ کوچ کا اعلان کردیا۔فرنچائز کی جانب سے 2016 کے ٹی ٹونٹی ورلڈ کپ کے فاتح کوچ فل سیمنز ہیڈ کوچ مقرر کیا گیا ہے۔
فل سیمنز نے کہا ہے کہ کراچی کنگز کا حصہ بننے پر بہت پرجوش ہوں، ایک مربوط ری بلڈنگ پراسیس کے بعد اس سیزن میں کراچی کنگز ایک منفرد روپ میں اور ایک میچ وننگ یونٹ کی شکل میں نظر آئے گی۔
یہ بھی پڑھیں :۔کراچی کنگز کا 5 کھلاڑیوں کو ریٹین کرنے کا فیصلہ
انہوں نے کہا کراچی کنگز کی مینجمنٹ خاص طور پر ٹیم اونر سلمان اقبال کا مشکور ہوں کہ انہوں کراچی کنگز کے ایک نئے سفر پر کام کرنے کے لئے اپنی تمام تر سپورٹ کی یقین دہانی کرائی ہے۔
کراچی کنگز کے اونر سلمان اقبال کا کہنا تھا ہمیں فل سیمنز کو بطور ہیڈ کوچ مقرر کرنے پر بہت خوشی ہے،بطور کوچ اور کھلاڑی ان کا شاندار ٹریک ریکارڈ ان کی صلاحیت کے بارے میں منہ بولتا ثبوت ہے، ہمیں یقین ہے کہ فل سیمنز کی کوچنگ کراچی کنگز کو مزید بلندیوں تک لے جائے گی۔
یہ بھی پڑھیں :۔کراچی کنگز نے محمد عامر کی ٹریڈکو روک دیا ، شائقین کرکٹ کیلئے اہم خبر
واضح رہے کہ فل سمینز 1987 کے ورلڈ کپ میں ویسٹ انڈیز کی نمائندگی کرتے ہوئے کراچی کنگز کے ہوم گراؤںڈ نیشنل اسٹیڈیم میں کھیل چکے ہیں۔
