پاکستان کی انڈر 19 ٹیم نے ایشیاکپ میں بھارت کو شکست دیتے ہوئے تاریخی کامیابی سمیٹ لی ہے اور کپتان نے کامیابی کا کریڈٹ کوچز کی پلاننگ کو دیدیا ۔
تفصیلات کے مطابق پاکستان انڈر 19 ٹیم کے کپتان سعد بیگ نے میچ میں کامیابی کے بعد گفتگو کرتے ہوئے کہا کہ ہماری ٹیم مین اچھا کمبی نیشن بنا ہواہے ، ہماری ٹیم ایک یونٹ ہو کر کھیل رہی ہے ، ہمارے کوچز میچ ٹو میچ پلانگ کر رہے ہیں ، ہم پلان کے مطابق کھیلے جس کی وجہ سے کامیابی ملی ۔
یاد رہے کہ پاکستان انڈر 19 ٹیم نے ایشیا کپ میں بھارت کی جانب سے دیئے گئے 260 رنز کے ہدف کو 47 اوورز میں عبور کر لیا جس میں سب سے اہم کر دار اذان اویس کا رہا جنہوں نے 10 چوکوں کی مدد سے 105 رنز کی ناقابل شکست اننگ کھیلی جبکہ ان کے علاوہ کپتان سعد بیگ نے 68 اورشاہزیب خان نے 63 رنز بنائے ۔
