پاکستان مسلم لیگ ن کے قائد محمد نواز شریف اور صدر شہباز شریف سے چترال سے پارٹی رہنما اور سابق رکن قومی اسمبلی شہزادہ افتخار الدین نے ملاقات کی
ملاقات میں نواز شریف نے شہزادہ افتخار الدین کے والد شہزادہ محی الدین مرحوم کی ملک وقوم کے لئے خدمات کو سراہا ۔ شہزادہ افتخار الدین نے ایون فیلڈ ریفرنس میں قائد نواز شریف کی بریت پر مبارک دی ۔
ملاقات میں پارٹی کے امور اور انتخابات کی تیاریوں پر تبادلہ خیال ہوا ۔ شہزادہ افتخار الدین نے اپنے حلقے میں جاری انتخابی تیاریوں پر تبادلہ خیال کیا ۔
ملاقات میں مسلم لیگ ن الیکشن سیل کے چئیرمن سینیٹر اسحاق ڈار ، سینئر نائب صدر اور چیف ارگنائزر مریم نواز شریف، رانا ثناءاللہ ، خواجہ سعد رفیق ، سردار ایاز صادق ، کیپٹن (ر) صفدر اور عطا اللہ تارڑ بھی موجود تھے ۔
پارٹی قائد محمد نواز شریف نے نیک تمناؤں کے اظہار پر شہزادہ افتخار الدین کا شکریہ ادا کیا۔
