ویسٹ انڈیز کے معروف کرکٹر کیرن پولارڈ اور انگلش کرکٹ ٹیم کے کھلاڑی جیسن رائے نے پاکستان سپر لیگ ( پی ایس ایل ) کے ڈرافٹ کے لئے رجسٹریشن کروالی۔
دنیا کے کئی نامور کھلاڑی پاکستان سپر لیگ میں کھیلنے کیلئے اپنی رضامندی ظاہر کر رہے ہیں جبکہ پاکستان کرکٹ بورڈ ( پی سی بی ) نے پی ایس ایل سیزن 9 کو یارد گار بنانے کیلئے تیاریاں بھی شروع کر رکھی ہیں۔
یہ بھی پڑھیں۔ تبریز شمسی بھی پی ایس ایل 9 کھیلنے کیلئے تیار
بدھ کے روز سماجی رابطے کے پلیٹ فارم ایکس پر پاکستان سپر لیگ کے آفیشل ہینڈل کے ذریعے مداحوں کو خوشخبری سنائی گئی کہ انگش کرکٹ ٹیم کے کھلاڑی جیسن رائے نے بھی پی ایس ایل کے ایڈیشن 9 کے ڈرافٹ کے لئے خود کو رجسٹر کروا لیا ہے۔
ROY-alty has arrived 🫅
— PakistanSuperLeague (@thePSLt20) December 6, 2023
Jason Roy 🏴 has officially signed up for the #HBLPSLDraft 🎉#HBLPSL9@JasonRoy20 pic.twitter.com/uFobLAM8f9
ایکس پر ہی جاری ایک اور پیغام میں مداحوں کو اطلاع دی گئی کہ ویسٹ انڈیز کے کرکٹر کیرن پولارڈ نے بھی رجسٹریشن کروا لی ہے۔
Pollard Power ⚡️🦸
— PakistanSuperLeague (@thePSLt20) December 6, 2023
Kieron Pollard 🌴has officially signed up for the #HBLPSLDraft 🎉#HBLPSL9@KieronPollard55 pic.twitter.com/B39ejOzqw3
خیال رہے کہ پی ایس ایل ڈرافٹ کے لیے آج غیر ملکی کھلاڑیوں کی رجسٹریشن مکمل ہو جائے گی جبکہ ڈرافٹ 13 دسمبر کو لاہور میں ہوگا۔
پی ایس ایل ٹیموں کے ری ٹین کئے جانے والے کھلاڑیوں کا فیصلہ جمعرات کو ہو گا۔
