پاکستان سپرلیگ سیزن 9 کی تیاریاں بھر پور طریقے سے جاری ہے اور کھلاڑیوں کی ڈرافٹنگ 13 دسمبر کو نیشنل اکیڈمی میں ہونے جارہی ہے جس میں نیوزی لینڈ کے مایہ ناز کرکٹر جیمی نشام نے بھی رجسٹریشن کروالی ہے ۔
تفصیلات کے مطابق 33 سالہ نیوزی لینڈ کے کھلاڑی جیمی نشام نے گزشتہ ٹورنامنٹ میں پشاور زلمی کی نمائندگی کی تھی۔
یہاں یہ امر قابل ذکر ہے کہ کراچی کنگز نے اپنے پانچ کھلاڑیوں کو برقرار رکھنے کا فیصلہ کیاہے جن میں جیمز ونس، حسن علی، شعیب ملک، میر حمزہ، تبریز شامی شامل ہیں تاہم ٹیم کی جانب سے محمد عامر کو برقرار رکھنے کا فیصلہ نہیں کیا گیا جس کے باعث وہ ڈرافٹنگ کا حصہ ہوں گے۔
اس کے علاوہ جنوبی افریقہ کے کھلاڑڈیوڈ ویزے نے بھی پلاٹینم کیٹیگری کیلئے رجسٹریشن کروا لی ہے جس کا اعلان پی ایس ایل کے پیج پر انتہائی شاندار انداز میں انہیں ’ مرشد ‘ کہہ کر کیا گیا ۔
