تحریک انصاف نے آزاد کشمیر قانون سازاسمبلی کے انتخابات کے بائیکاٹ کا اعلان کر دیاہے ۔
تحریک انصاف نے آزاد کشمیر قانون ساز اسمبلی کے انتخابات کے بائیکاٹ کا اعلان کرتے ہوئے کہا ہے کہ موجودہ حالات میں انتخابی عمل کا حصہ نہیں بنیں گے۔ اعلامیے کے مطابق یہ فیصلہ سیاسی حکمتِ عملی نہیں بلکہ کشمیری عوام کے ساتھ اظہارِ یکجہتی اور اصولی مؤقف ہے۔ اعلامیے میں کہا گیا کہ عوام کو مزید سیاسی عدم استحکام کے بجائے مسائل کا فوری حل فراہم کیا جانا چاہیے۔۔تحریک انصاف نے واضح کیا کہ حالات معمول پر آنے، انتخابی شیڈول پر نظرثانی اور آزادانہ انتخابی ماحول کی فراہمی تک انتخابات میں حصہ نہیں لیا جائے گا۔ اعلامیے کے مطابق آزاد کشمیر کے امیدواروں کو ٹکٹوں کی تقسیم سے متعلق سفارشات بھی معطل کر دی گئی ہیں اور آئندہ فیصلے سیاسی ماحول کی بحالی کے بعد کیے جائیں گے۔
