کراچی سائٹ ایریا کے سرکاری اسپتال سے ایچ آئی وی کا پھیلاؤ کے معاملے پر متاثرہ بچوں کے والدین نے سندھ ہائیکورٹ سے رجوع کرلیا ہے، عدالت نےحکومت سندھ سے دوہفتوں میں رپورٹ طلب کر لی۔
تفصیلات کے مطابق درخواست گزار نے موقف اختیار کیا کہ ولیکا اسپتال میں استعمال شدہ سرنجز سے ایچ آئی وی پھیلا،ایچ آئی وی سے متاثرہ 9 بچے انتقال کرچکے،حکومت کچھ نہیں کررہی، عدالت ہی کچھ کرسکتی ہے۔
جسٹس عدنان کریم نے ریمارکس دیتے ہوئے کہا کہ عدالت کواپنا کام کرنےدیں،تقریر کرنا ہے تو باہر جا کر کریں،قانون کے مطابق کارروائی عمل میں لائی جائے گی،فریقین کا جواب آنے پر کسی نتیجے تک پہنچیں گے۔
عدالت نے سماعت20جولائی تک ملتوی کردی اور فریقین سے جواب بھی طلب کر لیا
