امریکی نائب صدر جے ڈی وینس کا کہنا تھا کہ تکنیکی مذاکرات ماضی کے فیصلوں کی بنیاد پر ہو رہے ہیں، ایران کے اگلے اقدامات پر اب بھی غیر یقینی برقرار ہے۔
امریکی نائب صدر جے ڈی وینس نے کہا ہے کہ ایران کے ساتھ جاری تکنیکی مذاکرات پہلے سے طے پانے والے امور اور مذاکرات کی بنیاد پر آگے بڑھ رہے ہیں، تاہم ایران کے آئندہ کے اقدامات کے حوالے سے اب بھی غیر یقینی صورتحال موجود ہے۔
جے ڈی وینس کا کہنا ہے کہ کوئی بھی شخص حتمی طور پر یہ نہیں کہہ سکتا کہ ایران آگے چل کر کیا فیصلہ کرے گا۔
انہوں نے واضح کیا کہ اس وقت امریکا کے پاس دو ہی آپشنز ہیں؛ یا تو ایک طویل المدتی معاہدہ کیا جائے یا پھر اب تک حاصل ہونے والی سفارتی و فوجی کامیابیوں کو مستحکم کیا جائے۔
نائب امریکی صدر نے مزید بتایا کہ صدر ڈونلڈ ٹرمپ نے مفاہمتی یادداشت کے تحت خطے میں تیل کی سپلائی اور فراہمی کو بحال کرنے کی باقاعدہ ہدایت جاری کر دی ہے۔
