نائب وزیراعظم و وزیرخارجہ اسحاق ڈار اور ایران کے وزیرخارجہ عباس عراقچی کے درمیان ٹیلیفونک رابطہ ہوا ہے،جس میں دوطرفہ تعلقات،ایرانی صدر کے حالیہ دورۂ پاکستان اور خطے کی تازہ سفارتی صورتحال پر تبادلہ خیال کیا گیا۔
عباس عراقچی نےایرانی صدر کےدورۂ اسلام آباد کے دوران پرتپاک استقبال اور میزبانی پر پاکستان کا شکریہ ادا کیا۔ انہوں نے اس عزم کا اظہار کیا کہ دورے کے دوران طے پانے والے اتفاقِ رائے اور معاہدوں پر سنجیدگی سےعملدرآمد کیا جائے گا۔
Deputy Prime Minister and Foreign Minister Senator Mohammad Ishaq Dar @MIshaqDar50 spoke to Iranian FM Abbas Araghchi @araghchi last night.
— Ministry of Foreign Affairs - Pakistan (@ForeignOfficePk) June 27, 2026
DPM/FM reaffirmed Pakistan’s commitment to play its constructive role for achieving the goal of lasting peace and stability in the region… pic.twitter.com/H1mXTGM1Ap
دونوں وزرائے خارجہ نےخطےمیں پائیدار امن و استحکام کے لیے باہمی مشاورت اورسفارتی رابطے جاری رکھنے پر بھی اتفاق کیا،اسحاق ڈار نے بھی ایرانی صدر کے اسلام آباد کےدورے کو سراہا۔
اسحاق ڈار نےایرانی وزیرخارجہ کو لینور-ڈیوینا جہاز کے ایرانی عملےکی حراست ختم کرانے کے لیے پاکستانی حکام کی جانب سے کیے گئے اقدامات اور پیشرفت سے آگاہ کیا۔
