بلومبرگ نے اپنی رپورٹ میں دعویٰ کیاہے کہ عمان نے یورپی ممالک کو بتا دیاہے کہ آبنائے ہرمز استعمال کرنے پر فیس ادا کرنی ہو گی جو کہ نیویگیشن میں تعاون اور ماحولیات کے تحفظ کی مد میں ہو گی ۔
بلومبرگ کی رپورٹ کے مطابق ذرائع کا کہناہے کہ عمان نے یورپی حکام کو آگاہ کیا ہے کہ آبنائے ہرمز کے حوالے سے جنگ سے پہلے والی صورتحال کی طرف واپسی ممکن نہیں، اور اس سے گزرنے والے بحری جہازوں سے بعض خدمات کے عوض فیس وصول کی جا سکتی ہے۔
ذرائع کا کہنا ہے کہ عمانی حکام نے واضح کیا کہ وہ ہمیشہ بین الاقوامی بحری قوانین کی پابندی کریں گے، تاہم آبنائے ہرمز میں آلودگی کے خاتمے (ڈی پولوشن) یا جہازوں کی محفوظ رہنمائی (نیویگیشن) سے متعلق خدمات کے لیے فیس عائد کی جا سکتی ہے۔ تاہم ابھی یہ واضح نہیں ہو سکا ہے کہ عمان نے ان تمام فیسوں کو لازمی قرار دیا ہے یا نہیں ۔
