جی سی سی اور امریکا کے مشترکہ اعلامیہ پر ردعمل دیتے ہوئے ترجمان ایرانی وزارت خارجہ نے کہا کہ اعلامیہ غیر ذمہ دار اور اشتعال انگیز بیانات پر مبنی ہے، خطے میں عدم تحفظ اور اختلافات کی بنیادی وجہ امریکی موجودگی ہے۔
ترجمان ایرانی وزارت خارجہ نے کہا کہ خطے کے ممالک مستقبل میں اپنی سرزمین ایران کے خلاف استعمال نہ ہونے دیں، خطے میں استحکام صرف باہمی تعاون کے ذریعے ہی ممکن ہے۔
ترجمان نے مزید کہا کہ آبنائے ہرمز کا انتظام عمان کے ساتھ طے پانے والے میمورینڈم کے مطابق چلائیں گے، امریکا، اسرائیل اوران کا ساتھ دینے والے ممالک آبنائے ہرمز پر عدم تحفظ کے ذمہ دار ہیں۔
واضح رہے کہ گزشتہ روز بحرین میں ہونے والے امریکا اور خلیج تعاون کونسل کے وزرائے خارجہ اجلاس کا مشترکہ اعلامیہ میں اس بات کا اعادہ کیا گیا کہ غزہ سے کسی بھی شخص کو زبردستی بے دخل نہیں کیا جائے گا، جو اپنی مرضی سے غزہ چھوڑ دیں انہیں واپسی کی آزادی ہوگی۔
اعلامیے میں لبنان میں ریاست کے علاوہ تمام مسلح گروہوں کوغیر مسلح کرنے کا مطالبہ کیا گیا۔ اعلامیہ میں کہا گیا کہ لبنان سے متعلق مذاکرات کو دیگر تنازعات سے مشروط نہیں نہ کیا جائے۔ لبنان میں سیاسی اور سکیورٹی استحکام کیلئے مذاکراتی عمل رکھا جائے۔
