وینزویلا میں 7.1 شدت کے خوفناک زلزلے نے بڑے پیمانے پر تباہی مچا دی، جس کے نتیجے میں 164 افراد ہلاک اور 7 سو سے زائد زخمی ہوگئے۔
غیرملکی میڈیا رپورٹس کےمطابق زلزلے کے شدید جھٹکے دارالحکومت کاراکاس سمیت کئی شہروں میں محسوس کیے گئے،ریکٹر اسکیل پر زلزلے کی شدت 7.2 اور 7.5 تھی،پہلے زلزلے کی گہرائی 22کلومیٹر، جبکہ دوسرے زلزلے کی گہرائی 10کلومیٹر ریکارڈ کی گئی،زلزلے سے کئی عمارتیں اور مکانات ملبے کا ڈھیر بن گئیں۔
حکومت نےمتاثرہ علاقوں میں ہنگامی حالت نافذکرنےکا اعلان کردیا،عبوری صدر ڈیلسی روڈریگیز نے زلزلے سے متاثرہ خاندانوں سے تعزیت کا اظہار کرتے ہوئے امدادی سرگرمیوں کو تیز کرنے کی ہدایت کی ہے۔
زلزلے کےباعث مائیکیٹیا انٹرنیشنل ایئرپورٹ کوہونے والےنقصان کے بعد عارضی طور پر بند کر دیا گیا ہے، جبکہ کئی علاقوں میں بجلی اور انٹرنیٹ سروس بھی متاثر ہوئی ہے،امدادی ٹیمیں ملبے تلے دبے افراد کی تلاش اورمتاثرین کو محفوظ مقامات پر منتقل کرنے میں مصروف ہیں۔
امریکی جیولوجیکل سروے کےمطابق زلزلوں کے باعث بڑے پیمانے پرجانی و مالی نقصان کا خدشہ ہے۔ادارے نے اندازہ ظاہرکیا ہے کہ ہلاکتوں کی تعداد 10 ہزار سے تجاوز کرنے کے امکانات 44 فیصد ہیں جس کے باعث صورتحال انتہائی تشویشناک قرار دی جا رہی ہے۔
خبر ایجنسی کے مطابق زلزلے کے جھٹکے پڑوسی ملک کولمبیا میں بھی محسوس کیے گئے،دوسری جانب جاپان کے مشرقی ساحل کے قریب بھی 6.9 شدت کا زلزلہ ریکارڈ کیا گیا،تاحال کسی جانی و مالی نقصان کی اطلاع موصول نہیں ہوئی۔
دوسری جانب امریکی صدرڈونلڈ ٹرمپ نےوینزویلا میں خوفناک زلزلےپربیان دیتےہوئےکہاوینزویلا سے آنیوالی ابتدائی اطلاعات اچھی نہیں،وینزویلامیں 2 بڑےتباہ زلزلوں میں بڑےپیمانےپرہلاکتیں ہوئیں، امریکاوینزویلا کی مددکےلیےتیارہے،تمام حکومتی ایجنسوں کووینزویلا کی مدد کی ہدایت کی ہے،ہم اپنےنئے اورعظیم دوستوں کے لیے حاضر ہیں۔
