پاکستان تحریک انصاف میں اختلافات کھل کر سامنے آگئے۔
پی ٹی آئی پارلیمانی پارٹی اجلاس میں اقبال آفریدی کیخلاف ارکان پھٹ پڑے، اراکین نے شکایات کے انبار لگا دیئے، اقبال آفریدی کی پارلیمانی پارٹی کی رکنیت فوری طور پر معطل کر دی گئی۔
اراکین نے یہ دھمکی بھی دے ڈالی کہ اگر اقبال آفریدی کا ساتھی ارکان کے ساتھ تضحیک آمیز رویہ جاری رہا تو پارٹی میں وہ رہیں گے یا ہم رہیں گے۔
خیبرپختونخوا اور پنجاب کے ارکان نے اقبال آفریدی کیخلاف شکایت کیں، اراکین کا مؤقف تھا کہ اقبال آفریدی نے ساتھی رکن صاحبزادہ صبغت اللہ پر اڈیالہ کے باہر ہاتھ اٹھایا، اقبال آفریدی کا یہ رویہ برداشت نہیں، پارلیمانی پارٹی ارکان نے واضح کردیا۔
بعض ارکان نے دھمکی دی کہ اگر اقبال آفریدی کا رویہ یہی رہا تو متبادل پلان پر غور کریں گے، اقبال آفریدی کی پارلیمانی پارٹی کی رکنیت ختم کی جائے، اقبال آفریدی اپنے رویئے پر معافی مانگیں۔ اجلاس میں قرار داد بھی منظور کرلی گئی۔
