عمان نے آبنائے ہرمز میں عارضی بحری راہداری قائم کرنے کا اعلان کردیا۔
عمانی خبررساں ایجنسی نے نئی بحری ہدایات جاری کر دیں،آبنائے ہرمز میں عارضی بحری راہداری قائم کرنے کا اعلان کردیاہے۔
آبنائے ہرمز سےگزرنے والے جہازوں کیلئے پیشگی رابطہ لازمی قراردیا گیا ہے،عمان کا کہنا ہے جہازوں کی محفوظ آمدورفت کے لیے خصوصی انتظامات کیے۔
دوسری جانب امریکی وزیرخارجہ مارکو روبیو نے کہا ہے آبنائے ہرمز پر کوئی ملک ٹول یا فیس عائد نہیں کر سکتا، عالمی آبی راستے پر ٹیکس یا فیس لگانا بین الاقوامی قانون کے خلاف ہے،ایران کو انقلابی تحریک کے بجائے بطور ریاست کام کرنا ہوگا۔
انہوں نے کہا کہ ایران ریاست کے طور پر کام کرے تو بڑی ترقی کے مواقع ہیں، خطے میں جب تک ایرانی پراکسیز حملے کریں گے کشیدگی ختم نہیں ہو سکتی۔
