آئی پی پی گلگت بلتستان اسمبلی کے نومنتخب رکن سید امام مالک حلف برداری کےبعد اپنے آبائی حلقے چلاس پہنچ گئے۔جہاں ہزاروں کارکنان نے ان کا پرتپاک استقبال کیا۔
جی بی اے سولہ دیامردو سے استحکام پاکستان پارٹی کے نومنتخب رکن گلگت بلتستان اسمبلی سید امام مالک حلف اٹھانے کے بعد بڑے عوامی قافلے کی صورت میں چلاس پہنچے جہاں کارکنان اور حامیوں نے ان کا شاندار استقبال کیا۔چلاس ایئرپورٹ کے مقام پرمنعقدہ اجتماع میں کارکنان کی بڑی تعداد شریک ہوئی۔ مختلف علاقوں سے آنے والے قافلے بھی استقبال میں شریک ہوئے۔جلسہ گاہ نعروں اور جوش وخروش سے گونجتی رہی۔
اس موقع پر خطاب کرتے ہوئے سید امام مالک نے حلقے کے عوام کا خصوصی شکریہ ادا کیا۔ انہوں نےکہا عوام نے جس اعتماد کا اظہارکیا ہے وہ اس پر پورا اترنے کی کوشش کریں گے۔نومنتخب رکن اسمبلی نےاپنے حلقے میں ترقیاتی منصوبوں ،عوامی مسائل کےحل اوردیامر کی تعمیرو ترقی کے لئے بھرپورکردار ادا کرنے کے عزم کا بھی اظہار کیا۔
