وزیراعلیٰ پنجاب مریم نواز نے کہاہے کہ پنجاب کی عورت معاشی طور پر مضبوط ہو گی تو ملک بالخصوص پنجاب ترقی کرے گا ۔
تفصیلات کے مطابق وزیراعلیٰ پنجاب کا کہناتھا کہ خواتین کو گھر بیٹھےفن اور ہنر سیکھانے کیلئے ہنر مند خواتین پروگرام پر 97 کروڑ روپے سے زائد لاگت آئے گی ، پروگرام کے تحت صوبہ بھر میں خواتین کو گھر بیٹھے مارکیٹ کی ضروریات کے مطابق ووکیشنل ٹریننگ دی جائے گی ۔
انہوں نے کہا کہ بیوٹیفکیشن سروسز ، ہاسپٹیلٹی اور ڈیجیٹل ٹیکنالوجی کے ٹریننگ کورسز کرائے جائیں گے ۔ لاہور، فیصل آباد، راولپنڈی، ملتان اور گوجرانوالہ میں ہاسپٹیلٹی ٹریننگ کورس کا پہلا بیج مکمل ہوگیا ، پنجاب کی خواتین کو قابل قدر اثاثہ بنارہے ہیں سحر پروگرام کے اجراء کا مقصد خواتین کو ترقی کے مواقع فراہم کرنا ہے ۔
ان کاکہناتھا کہ بیواوں، طلاق یافتہ اور اقلتیی برادری سے تعلق رکھنے والی خواتین کو ترجیح دی جائیگی ۔ وزیراعلیٰ پنجاب نے کہا کہ خواتین کیلئے پہلی مرتبہ گھر کی دہلیز پر ووکیشنل سکل پروگرام کے خاطرخواہ نتائج سامنے آئیں گے ۔ حکومت پنجاب ”سحر“ پروگرام کے تحت ٹریننگ خواتین کیلئے جاب پلیسمنٹ کے مواقع بھی مہیا کرے گی ۔
پنجاب بھرکی عام خواتین کےلئےگھربیٹھےفن اور ہنر سیکھنے کا سکل انہانسمنٹ تھرو ہوم ریچ پروگرام ، ہنرمند لیبر فورس میں خواتین کا تناسب بڑھانے کے پروگرام 97 کروڑ روپے سے زائد لاگت آئے گی۔
