ملک کے مختلف شہروں میں زلزلے کے جھٹکے محسوس کیے گئے۔
اسلام آباد اور خیبرپختونخوا کے مختلف شہروں میں زلزلے کے شدید جھٹکے محسوس کیے گئے، آزاد کشمیر اور گلگت بلتستان میں بھی زمین لرز گئی۔ افغانستان کے کئی صوبوں میں بھی زلزلہ آیا۔
سوات، شانگلہ، ملاکنڈ، مردان، خیبر، جمرود میں زمین لرز گئی۔ چترال سمیت دیگر شہروں میں بھی زلزلے کے جھٹکے محسوس کیے گئے۔
زلزلہ پیما مرکز کے مطابق ریکٹر اسکیل پر زلزلے کی شدت 5.4 ریکارڈ کی گئی، زلزلے کی زیر زمین گہرائی 215 کلومیٹر رہی، زلرلے کا مرکز کوہ کندوکش کا پہاڑی سلسلہ تھا۔
پی ڈی ایم اے کے مطابق لاہور، راولپنڈی، اٹک، چکوال، میانوالی، ملتان، پوٹھوہارریجن اور پنجاب کےدیگراضلاع میں جھٹکے محسوس کیے گئے، پنجاب میں زلزلےکے باعث کوئی جانی یامالی نقصان رپورٹ نہیں ہوا۔
